bb.is | 30.08.2010 | 13:02
Ammoníaksleki kom upp í húsnæði Hraðfrystihússins Gunnvarar við Eyrargötu á Ísafirði um kvöldmatarleitið á föstudagskvöld. Slökkvilið Ísafjarðarbæjar brást fljótt við en slökkviliðsmaður og einn starfsmaður hússins brenndust vegna lekans. „Það lak úr tanki sem verið var að tappa undan olíu eða einhverju slíku. Þeir misstu þetta úr böndunum og það byrjaði að leka ammoníak," segir Þorbjörn Sveinsson slökkviliðsstjóri. Hann segir ammoníak vera hættulegt efni þar sem það er baneitrað og því verði að fara að með gát við meðhöndlun þess. Af því er líka mjög sterk lykt eins og flestir þekkja sem var áberandi í nágrenninu á meðan lekanum stóð. „Það var erfitt að komast að þessu. Slökkviliðsmenn fóru í eiturefnabúning og einn af starfsmönnum hússins fylgdi með í einnota eiturefnabúning og eftir smá erfiðleika tókst þeim að skrúfa fyrir lekann. Að því loknu er ammoníakinu skolað niður með vatni en það brotnar upp í vatni," segir Þorbjörn.

Slökkviliðsmaðurinn sem brenndist fékk aðhlynningu á Fjórðungssjúkrahúsinu en að sögn Þorbjörns heilsast honum vel í dag. Starfsmaðurinn brenndist ekki það illa að hann þyrfti að leita læknishjálpar.

Dagana 8 - 12 júní fórum við á sýninguna Rauða hanann sem haldin var í Leipzig Þýskalandi. Við fórum 11 frá Ísafjarðarbæ ásamt 59 slökkviliðsmönnum frá öðrum bæjarfélögum. Þessi sýning er haldinn  fimmta hvert ár og var síðast í Hanover 2005. Við flugum til Frankfurt á miðvikudeginum og þaðan var haldið til Neukirchen þar sem við gistum á flottu hóteli.
Fimmtu-, föstu- og laudagdagur voru síðan nýttir til að skoða allt sem var í boði á sýningunni.
Sunnudeginum eyddum við síðan í ferðina heim til Ísafjarðar. Myndir úr ferðinni koma inn síðar.

Dagana  6 - 8 maí síðastliðinn var haldinn flugslysaæfing við Ísafjarðarflugvöll. Það var Iceavia (áður Flugstöðir) sem stóðu fyrir æfingunni og voru þáttakendur viðbragðsaðilar á svæðinu. Æfingin tókst með ágætum og viljum við þakka Iceavia fyrir tækifærið. Fimmtudagur og föstudagur voru notaðir til undirbúnings og vinnu við viðbragðáætlannir. Sjálf æfingin fór svo fram á laugardeginum.

Slökkvilið Ísafjarðarbæjar barst beiðni um aðstoð vegna móbruna í eynni Vigur um kl. 07:00 í morgun. Slökkvilið Súðavíkur hafði barist við brunann frá því seintí gærkvöldi. Björgunarbátur Landsbjargar flutti slökkviliðsmenn og búnað inneftir, einnig var óskað eftir aðstoð frá björgunarsveitum og slökkviliði Bolungarvíkur. Eldurinn var dreifður á stóru svæði og varð að leggja mikið magn af slöngum um eynna og dælt var sjó ofan í lundaholur. Undir kvöld var búið að slökkva eldana að mestu, en ákveðið var að hafa vakt í eynni í nótt. 

Rauði Haninn er sýning sem haldin er á fimm ára fresti í Þýskalandi ( Interschutz Der Rode Hahn). Þetta sýning á búnaði fyrir slökkvilið og ein sú stærsta í heimi. Allir framleiðendur björgunarbúnaðar kappkosta við að fá inni á sýningunni. Í gegnum tíðina hafa slökkviliðsmenn frá Ísafirði farið á þessa sýningu og fór hópur manna á sýninguna 2005 og að sjálfsögðu mun stór hópur slökkviliðsmanna sækja sýninguna sem haldinn verður 7 - 12 júni n.k. í Leipzig í Þýskalandi. Hér að neðan er slóð á heimasíðu sýningarinnar:

Interschutz Der Rode Hahn

Í byrjun maí verður haldin flugslysa æfing við Ísafjarðarflugvöll. Æfingin er haldin af Flugstoðum og mun slökkvilið Ísafjarðarbæjar ásamt öðrum viðbragðs-aðilum taka þátt í æfingunni. Fyrirkomulag verður svipað og á fyrri æfingum sem haldnar hafa verið á flugvellinum. Í grófum dráttum verður æft frá fimmtudegi til laugardags. Við munum gera æfingunni betri skil síðar hér á heimasíðunni.

bb.is | 03.02.2010 | 16:24

Vel tókst til við gerð skautasvells á Suðurtanganum á Ísafirði en starfsmenn Slökkviliðs Ísafjarðarbæjar hafa að undanförnu sprautað vatni á opið svæði þar til að útbúa skautasvell. Skautasvellið hefur strax vakið áhuga bæjarbúa og má fastlega búast við að Ísfirðingar þurrki rykið af skautum sínum og taki nokkra snúninga á næstu dögum. Ljósmyndari bb.is smellti í dag myndum af tveimur ungum stelpum sem reyndu fyrir sér á svellinu með glæsibrag og voru að sjálfsögðu vel klæddar og með hjálma.