Krˇa­ar af inni Ý eldhafi

 Innlent | Morgunblaðið | 27.8.2007 | 05:30

Eftir Unu Sighvatsdóttur unas@mbl.is
„Við eiginlega rifum þær bara upp og hlupum með þær út," segir Sigurður A. Jónsson slökkviliðsmaður sem var fyrstur á staðinn ásamt félaga sínum Arngrími Vilhjálmssyni, þegar kviknaði í meðferðarheimilinu Stuðlum í gær.

Mikill eldur braust út í einni álmunni og króuðust stúlkurnar tvær af inni í einu svefnherbergjanna. Þeir félagar biðu því ekki boðanna heldur köfuðu inn í svartan reykinn til bjargar stúlkunum og mátti vart tæpara standa.

Eldtungur við útganginn

Þegar slökkviliðsmennina bar að höfðu stúlkurnar skriðið undir borð og sátu þar í hnipri undir sæng. „Það var mikill reykur í herberginu hjá þeim, eiginlega alveg ofan í gólf og hitinn mikill, svo það var ekkert annað í boði en að drífa þær upp, það var bara hviss bang og út," segir Sigurður. Aðeins tók um 3 mínútur að kafa inn eftir stúlkunum sem verður að teljast góður tími, en eftir það tók við um klukkutíma slökkvistarf.

Nánar er rætt við þá Sigurð og Arngrím í Morgunblaðinu í dag.

Við slökkviliðsmenn á Ísafirði er stoltir af því að sjá að hann Siggi krull tók þátt í þessari frækilegu björgun

Skrifa­u ■itt ßlit: