Eins og sagt var frá reyndum við að gera skautasvell á Wardstúni fyrir um tíu dögum. Afrakstur þeirrar vinnu var asahláka og brotinn brunahani. Nú hefur fryst aftur og búið er að laga brunahanann og samkvæmt langtíma veðurspá ætti að haldast frost í einhverja daga. Með tilliti til þessa fórum við af stað í morgun og skrúfuðum frá, okkar bestu vonir gera ráð fyrir því að skautasvellið ætti að verða tilbúið seinni partinn á morgun.