ä┌tgangspunktur rß­uneytisins er a­ efla ÷ryggi Ýb˙a ß svŠ­inuô

bb.is | 31.10.2007 | 16:39
Guðlaugur Þór Þórðarson, heilbrigðis- og tryggingarmálaráðherra, hefur falið embættismönnum ráðuneytisins að gera viðbótarsamning við Mýflug sem sinnir sjúkraflugi á svæðinu vegna þeirrar ákvörðunar að staðsetja sjúkraflugvél á Ísafirði yfir vetrarmánuðina. Ráðuneytið hefur þegar haft samband við forsvarsmenn Mýflugs og eru vonir bundnar við að sjúkraflugvélin verði staðsett á Ísafjarðarflugvelli um miðjan mánuðinn. Guðlaugur segir að útgangspunkturinn í sýn ráðuneytisins sé að efla öryggi íbúa á svæðinu. „Aðalatriðið í þessu er að efla öryggi íbúa á svæðinu. Ef sú staða kemur upp að Mýflug geti ekki tekið þetta á sér þá verðum við, eðli málsins samkvæmt, að fara yfir þau mál.“

Leifur Hallgrímsson, framkvæmdastjóri Mýflugs, segir að fyrirtækið muni gera allt sem í þeirra valdi stendur til að verða við ákvörðun heilbrigðis- og tryggingarmálaráðherra. „Við vorum nú bara að fá þessar fréttir í gær. En við erum að vinna í þessu og reyna að undirbúa þetta. Samt sem áður eru margir óvissuþættir í þessu öllu saman, t.d. sem snýr að sjúkraflutningamönnum og sjúkrabúnaði. Ráðuneytið er ekki með neina sjúkraflutningamenn á Ísafirði sem við getum tekið með okkur í flug, það þarf að laga. Einnig má nefna það að það er aðeins ein vél sem við erum með sem hefur sjúkrabúnað í þessi verkefni. Svona búnaður er rándýr og það tekur marga mánuði að fá hann.“

Skrifa­u ■itt ßlit: