Eins og komið hefur fram í fréttum féll maður í Stapanum í Aðalvík í gær og fóru sjúkraflutningamenn frá Ísafirði í þetta útkall laust eftir klukkan 15:30. Farið var með bátnum Sædísi frá Bolungarvík og vorum við komnir í Stapann um klukkan 16:45. Það var lán í óláni að slökkviliðsstjóri frá Sauðárkróki var staddur í bát við Ritinn um það leiti sem útkallið kom og var hann ásamt fleirum kominn á staðinn mun fyrr ásamt björgunarsveitamanni frá Tindum í Hnífsdal. Aðstæður til björgunar voru góðar og auðvelt að komast að hinum slasaða. Talsverður fjöldi björgunarsveitamanna kom með björgunarskipi frá Ísafirði. Hin slasaði var fluttur í björgunarskipið Gunnar Friðriksson og hífður í TF-LÍF undir Grænuhlíð þegar þyrlan mætti um kl 18:30.

Slökkviliðs- og sjúkraflutningsmenn á Ísafirði heimsóttu elsta árganginn á leikskólanum Eyrarskjól í dag. Var heimsóknin liður í samstarfsverkefni leikskólans og slökkviliðsins um eldvarnir og fræðslu sem kallast „aðstoðarmaður slökkviliðsins". Þar eru börnin frædd um brunavarnir leikskólans og munu þau sjá um að fylgjast með og fara eftirlitsferðir um leikskólann til að athuga hvort ekki sé í lagi í þeim málum. Nú hafa börnin klárað þessi verkefni og útskrifuðust sem aðstoðarmenn slökkviliðs Ísafjarðarbæjar í dag.

Hjálmurinn skiptir höfuðmáli!

Nú þegar sólin er farin að skína, sjást fleiri og fleiri reiðhjól á götum bæjarins. Þá er mikilvægt að allur öryggisbúnaður sé í lagi. T.d getur hjálmurinn minnkað líkur á höfuðmeiðslum um 85%.

Höfuðmeiðsl eru alvarlegustu áverkar sem hljótast af hjólreiðaslysum. Notkun hlífðarhjálms kemur ekki í veg fyrir slysin en dregur úr alvarleika þeirra og minnkar líkurnar á alvarlegum höfuðmeiðslum. Hjálmur getur greint á milli heilahristings og höfuðkúpubrots og jafnvel lífs og dauða. Sérstaklega er mikilvægt að börn noti hlífðarhjálm við hjólreiðar enda eru höfuð þeirra minni og viðkvæmari en þeirra sem eldri eru.
Ekki má gleyma að einnig eru gerðar kröfur um öryggisbúnað á línuskautum, hlaupahjólum og hjólabrettum.

Samkvæmt lögum eiga öll börn 15 ára og yngri að nota hjálm.

Foreldrar ættu alltaf að vera góðar fyrirmyndir.

Sjúkraflutningamenn á Ísafirði.

Á hverju ári koma krakkar úr þriðja bekk grunnskólans á Ísafirði í heimsókn til okkar. Okkur hefur þótt viðeigandi að sína þeim þakkir fyrir þáttöku í eldvarnavikunni sem haldin er í desember ár hvert með þessum hætti. Við sínum krökkunum slökkvistöðina, bíla og önnur tæki slökkviliðsins. Krakkar í 3 HA hafið þakkir fyrir komuna og bestu kveðjur til ykkar allra :)

Þessa dagana eru fjórir slökkviliðsmenn á svo kölluðu EMT-B námskeiði. Þetta er grunn-námskeið sjúkraflutninga og er það kennt í fjarnámi frá sjúkraflutningaskólanum á Akureyri. Jafnframt koma kennarar að norðan tvisvar sinnum með verklegar lotur. Drengirnir eru að verða hálfnaðir og má ætla að þeir verði allir komnir með full réttindi í byrjun júní. Það var komin ákveðin vöntun hjá slökkviliðinu til að geta mannað vaktir sjúkrabíla, en undanfarið 1-2 ár höfum við misst frá okkur nokkra EMT-B menn til annara starfa. Hann Addi Pálma er einn þeirra sem situr námskeiðið og að hans sögn hefur honum gengið vel og er hann þakklátur fyrir tækifærið að fá að komast á þetta námskeið. Addi segir námskeiðið og þá sérstaklega verklega þjálfunin sem fer fram á sjúkrabílum spennandi, en hann hefur meðal annars verið á sjúkrabílum í Reykjavík. Sem áður sagði þá bíðum við hinir spenntir eftir að fá þá til starfa þessa duglegu drengi.

Óvenju mikið var um útköll hjá slökkviliði Ísafjarðarbæjar um nýliðna Dympilviku. Slökkviliðið var kallað út tvisvar sinnum og sjúkrabílar sinntu 14 útköllum þar af voru 6 bráðaflutningar. Um var að ræða almenn veikindi og slys sem tengdust fæst hátíðinni Aldrei fór ég suður.

Slökkviliðmenn heimsóttu krakkana í 3 HA af tilefni þess að einn nemandinn Maja Veronika Zietek var dregin út í verðlauna samkeppni í tengslun við Eldvarnarátak Landssamband Slökkviliðs og Sjúkraflutningamanna. Var stúlkunni afhent verðlaun og viðurkenningskjal af þessu tilefni. Við óskum henni og bekknum hennar innilega til hamingju með árangurinn og þökkum fyrir þáttöku þeirra.