bb.is | 03.09.2008 | 10:52
Lögreglan á Vestfjörðum hefur lokið vettvangsrannsókn vegna elds sem kom upp í tvígang með fimm daga millibili að Suðurtanga 2 á Ísafirði. Niðurstaða rannsóknarinnar er sú að um íkveikju af mannavöldum hafi verið að ræða í bæði skiptin. Það var kl. 17:12 miðvikudaginn 20. ágúst sl., sem tilkynnt var um eld í húsnæðinu í fyrra skiptið og aftur kl. 17:36 mánudaginn 25. ágúst. Lögreglan á Vestfjörðum vinnur að rannsókn málsins og biður alla þá sem einhverja vitneskju hafa um þessi tvö tilvik að hafa samband í síma 450 3730.

Vorum að setja inn slatta af myndum á síðuna. Verðum að viðurkenna að við höfum ekki verið nógu duglegir að taka myndir, en munum reyna að bæta úr því.

Við viljum þakka áhugasamri eiginkonu fyrir áminninguna og munum reyna að taka tillit til hennar í framtíðinni. Jafnframt viljum við benda slökkviliðsmönnum á að passa lyklana sína, hver veit nema að konurnar fari á rúntinn á bílunum ?

Það var ekki glæsileg aðkoman á slökkvistöðna í morgun, en til stendur að aðstoða erlent kvikmyndatökulið í bænum, þegar við mættum þá sáum við að búið var að brjóta frammrúðu körfubils og tvær rúður í Econline tækjabíl, og tæma 6 lítra slökkvitæki sem í honum var.
Slökkvilið Ísafjarðarbæjar vill biðja þá sem vita eitthvað um þetta mál að hafa samband við lögreglu.

þá er helgarvöktum lokið þetta sumarið og viljum við þakka duglegum strákum fyrir þeirra framlag. Framundan eru hefðbundnar mánaðar-æfingar. Brunamálaskólinn er væntanlegur í oktober eða nóvember látum vita um leið og nákvæm dagsettning er komin. Æfing vegna flugslyss á Þingeyrarflugvelli er fyrirhuguð, en dagsettning er einnig á reiki varðandi hana.

Viljum benda mönnum á nýja heimasíðu Brunavarna Árnessýslu.

http://www.babubabu.is

Það er ekki á hverjum degi sem nýliðar eru teknir inn í slökkviliðið og ekki varð það reyndin í dag þegar að Minnkur nokkur gerði sig heimakæran hjá okkur á stöðinni. Upphófst mikill eltingaleikur við dýrið og lauk baráttunni með því að Kristján varastjóri náði honum í net ! Að sögn Kristjáns lærði hann meðferð neta á Guðrúnu Guðleifs ÍS uppi við Jan Mayen 1964. Minnknum var komið í öruggar hendur og ekki orð um það meir.