Ársskýrsla Slökkviliðs Ísafjarðarbæjar er nú aðgengileg hér á vefnum

 Ársskýrsla 2011

Laust eftir klukkan 17:30 í dag var óskað eftir sjúkrabíl til að flytja veikan einstakling frá Suðureyri á sjúkrahúsið á Ísafirði. Ekki var um bráðaflutning að ræða, en þó þurfti sjúklingurinn að komast sem fyrst. Sjúkrabifreið lenti í vandræðum vegna ófærðar í Súgandafirði og varð að snúa frá vegna bíla sem voru fastir á leiðinni. Brugðið var á það ráð að fá aðstoð Björgunarsveitarinnar Bjargar á Suðureyri. Meðlimir sveitarinnar fóru á staðinn á Suðureyri og fluttu sjúklinginn í sjúkrabifreið sem beið við bæinn Botn í Súgandafirði og var hann kominn með sjúklingin á sjúkrahúsið á Ísafirði um klukkan 20:00.

Slökkvilið Ísafjarðbæjar fékk beiðni um aðstoð um kl 19:30 í kvöld. Báturinn Valur ÍS 20 hafði strandað við innsiglinguna í Súðavíkurhöfn. Mannskapur með dælur var sendur inneftir og fóru út með skipinu Papey sem dró Valinn af strandsstað. Engin leki kom að Valnum og var hann dreginn í höfninna í Súðavík.

bb.is | 22.09.2011 | 07:49

Slökkvilið Ísafjarðarbæjar leitar að nýliðum til starfa. „Eins og í öðrum störfum þá eldast menn og þegar þeir eldast vilja þeir losna og við þurfum því að endurnýja mannskapinn,“ segir Þorbjörn Sveinsson, slökkviliðsstjóri. Hann segir að leitað sé að fjórum til sex mönnum í þessari atrennu en umsóknarfrestur er til og með 1. október. „Það er mjög gefandi og líflegt starf að vera slökkviliðsmaður og við leitum því að ungum og ferskum mönnum og konum.“ Aðspurður um aldurstakmark segir hann slökkviliðið miða við að taka ekki yngri nýliða en fædda árið 1990.

Þorbjörn segir að nóg sé að gera hjá slökkviliðinu um þessar mundir. „Það hefur verið frekar mikið að gera í sjúkraflutningum en rólegt í bruna. Um mánaðamótin förum við svo af stað með námskeið fyrir nýliðana.“

Umsækjendur fyrir stöður í útkallslið slökkviliðsins þurfa að uppfylla eftirfarandi skilyrði: Hafa góða líkamsburði, vera andlega og líkamlega heilbrigðir, reglusamir og háttvísir, hafa góða sjón og heyrn, rétta litaskynjun og vera ekki haldnir lofthræðslu eða innilokunarkennd. Hafa að lokinni reynsluráðningu aukin ökuréttindi til að stjórna: a) vörubifreið og b) leigubifreið. Hafa iðnmenntun sem nýtist í starfi slökkviliðsmanna eða sambærilega menntun og reynslu. Að auki þurfa umsækjendur þurfa að standast læknisskoðun.

Það verður sjaldan of oft sagt að menn eigi að sinna viðhaldi reykköfunartækja af alúð og natni. Við fengum inn til okkar tæki frá ónefndum stað/liði og verður að segjast eins og er að sumir mættu girða sig aðeins betur. það er með ólíkindum að þeir sem sinna eftirliti með slökkviliðum skuli ekki hafa tekið eftir þessu. Þess má geta að 4 -5 ár voru liðin frá því tækin áttu að fara til viðurkennds eftirlits-aðila til skoðunnar

bb.is | 30.05.2011 | 11:41

Mjólkurflutningabíll valt rétt utan við Vestfjarðagöngin á leið til Súgandafjarðar snemma í morgun. Að sögn lögreglunnar á Ísafiðri var krapi og hálka á veginum og missti ökumaður stjórn á bílnum. Ökumaður var á leið til að sækja mjólk og var því bíllinn farmlaus þegar slysið varð. Ökumaðurinn var fluttur á sjúkrahúsið á Ísafirði til skoðunar en meiðsl hans voru ekki alvarleg. Brjóta þurfti framrúðuna á bílnum til að ná manninum út.