bb.is | 14.02.07 | 09:01
Liðsmenn slökkviliðsins á Ísafirði voru í óða önn að útbúa skautasvell á Wardstúni á Ísafirði í gær þegar að ljósmyndara Bæjarins besta bar að garði. Þorbjörn Sveinsson slökkviliðsstjóri á Ísafirði segir þetta alls ekki í fyrsta sinn sem ráðist sé í gerð skautasvells á Ísafirði, þau hafi reyndar yfirleitt verið gerð inn í firði en var gert á eyrinni að þessu sinni að ósk þeirra sem höfðu samband. „Það kom fólk og óskaði eftir því að við myndum gera skautasvell, í samráði við Ísafjarðarbæ var síðan ákveðið að ráðast í gerð svellsins á Wardstúni fyrir framan Krílið.“ Slökkviliðsmennirnir verða aftur að störfum við að útbúa svellið í fyrramálið og ef að allt gengur að óskum ætti það að vera tilbúið annað kvöld.

Á ferð minni um útlönd nýverið rakst ég á þennann öndvegis sjúkrabíl. Í hendings kasti smellti ég mynd og hóf svo eftirför því ætlunin var að skoða þennan grip betur, en því miður náði ég ekki bílnum. Engu að síður fannst mér tilvalið að smella myndinni á vefinn okkar svona til gamans.
Ég er viss um að Króksbúi nokkur og yfir Landrover áhugamaður verður ánægður með myndina.

Það verður æfing á föstudagskvöldið n.k þann 09.02.06.  Hittumst á stöðinni kl 19:30.  Æft verður samkvæmt plani.
Sjáumst hressir kveðja HH

112 dagurinn verður haldinn á vegum viðbragðsaðila í björgun og almannavörnum um allt land sunnudaginn 11. febrúar næstkomandi. Að þessu sinni verður dagurinn helgaður margvíslegum störfum sjálfboðaliða að forvörnum, leit og björgun, almannavörnum og neyðaraðstoð. Megináhersla verður lögð á að kynna starf sjálfboðaliðasamtakanna og mikilvægi þess.
Markmiðið með 112 deginum er að kynna neyðarnúmerið og starfsemi aðilanna sem tengjast því, efla vitund fólks um mikilvægi þessarar starfsemi og hvernig hún nýtist almenningi...

Þá er loksins farið að sjá fyrir endann á vinnunni við að skanna inn gamlar myndir í eigu slökkviliðsins. Það er gaman að geta sett þessar myndir inn á vefinn og leyfa lesendum að skoða öll kunnuglegu andlitin frá því í gamla daga.
Myndin sem fylgir er líklega tekin í kringum 1979 ( ef einhver veit betur þá endilega hafðu samband við okkur) Þarna má sjá Jóa Jóhanns, Ingimar Baldurs, Veigar Gísla og svo þá Gumma Helga og Jón Ólaf. Þyrlan er frá varnarliðinu sáluga.

Eftir að gamla góða síða slökkviliðsins varð fyrir árásum óprúttina einstaklinga var tekin sú ákvörðun að taka rækilega til í vefsíðu málum slökkviliðsins, hafist var við að hanna nýtt útlit og samið við Snerpu á notkun á nýju vefumsjónarkerfi Snerpill, og er útkoman það sem þið skoðið nú.
Settar voru nokkrar fréttir af bb.is frá árinu 2006 en síðan hefur verið óvirk síðan rétt eftir áramót 2005-2006.

Það er fátt sem gleður augað eins mikið og gamlar myndir, en þessa dagana er verið að skanna inn allar myndir í eigu slökkviliðs Ísafjarðarbæjar. Ef einhverjir eiga gamlar myndir úr starfi slökkviliðs og eru fúsir til að lána okkur þær til afritunar þá myndum við þyggja það með þökkum.
Svona til gamans læt ég eina gamla og góða mynd fylgja með.

HH