Í gær fimmtudag heimsóttu gæslumenn Ísafjörð og kynntu viðbragðs-aðilum nýju eftirlits og gæslu flugvélina TF SIF. Með tilkomu þessarar flugvélar varð alger bylting í starfsemi gæslunnar.
Nákvæmni til eftirlits og leitarflugs hefur í raun farið frá fornold til framtíðar. Það var gaman að sjá kynningu á búnaði vélarinnar og líklega ættu menn að hugsa sig um ef þeir eru í heita pottinum og heyra í flugvél að næturlagi.
Að lokum var farið inn á flugvöll þar sem menn og konur skoðuðu gripinn. Við óskum Landhelgisgæslunni til hamingju með vélinna og þökkum kærlega fyrir heimsóknina.

bb.is | 22.01.2010 | 13:01

Samningaviðræður standa nú yfir milli bæjaryfirvalda í Ísafjarðarbæ og Slökkviliðs Ísafjarðarbæjar um öryggisþjónustu á Hlíf, þjónustuíbúðum aldraðra á Ísafirði. Mun sú þjónusta taka við af þeirri þjónustu sem þjónustudeildin hefur veitt til þess en eins og kunnugt er verður deildinni lokað um næstu mánaðamót. „Öryggið í húsinu verður mun meira ef eitthvað er, nú eru hnappar og spottar í húsinu sem fólk getur ýtt á ef það þarf á aðstoð halda en nýja þjónustan felst í því að fólk verður með hnapp á hendinni. Þegar ýtt er á hnappinn hringir síminn hjá þeim sem er á vakt og hann ræðir við viðkomandi á meðan aðstoð berst," segir Maron Pétursson, forstöðumaður Hlífar. Slökkvilið Ísafjarðarbæjar sem séð hefur um sjúkraflutninga í sveitarfélaginu í þrjá áratugi. Að sögn Marons eru samningaviðræður á lokastigi.

Maron segist mjög ánægður með fyrirhugaðan samning. „Ég er mjög ánægður með að þjónustunni sé sinnt af heimamönnum og peningarnir haldist í byggðalaginu. Ég hef fulla trú á að þjónustunni verði sinnt mjög vel."

Ársskýrsla fyrir árið 2009 er nú aðgengileg hér á vef slökkviliðs, eins og aðrar skýrslur, er hægt að finna hana í skráar hlekk neðst til vinstri. Eða klikka bara hér.

Á árinu 2009 voru 56 útköll á slökkviliðið af því voru 10 vegna elds,
1 vegna mengunarvarnaslysa,
4 vegna dælingu úr bátum sem sukku í höfninni, og úr ræsi Vegagerðar.
27 vegna falsboðunar í eldvarnarkerfi,
3 vegna umferðarslysa með klippur,
1 sérstök aðs toð við s júkraflutning
10 sérstök aðstoð við íbúa sveitafélagsins.

11 helgarvaktir vori staðnar yfir sumartímann.
10 æfingar voru haldnar 

Þjálfun slökkviliðsmanna er ekki eins mikil og síðustu ár vegna niðurskurðar í samfélaginu en 
samt reynt að halda þeim innan ásættanlegra marka eða um 1.300 vinnustundir árlega .
Ekki var námskeið frá Brunamálastofnun á árinu vegna niðurskurðar.

Sjúkraflutningar voru alls 170 og skiptast þannig að almennir flutningar voru, 108
forgangsflutningar voru 62. Er þetta fækkun á milli ára.

Einn hluti af starfi slökkviliðsmanna er notkun körfubíla. Síðastliðinn föstudag hélt Vinnueftirlit próf  sem rúmlega 10 slökkviliðsmenn tóku. Eflaust hafa einhverjir bæjarbúar undrast umstang slökkviliðsins, en staðsettningin prófsins var niður við Vestrahús. Það var skemmtilegt að fylgjast með vinnubrögðum okkar manna og þess má geta að allir stóðust prófið.

Slökkvilið Ísafjarðarbæjar var kallað út kl 01:21 í nótt. Tilkynnt var um eld í togaranum Gunnbirni ÍS sem lá í Ísafjarðarhöfn. Þegar slökkvilið kom á staðinn kom í ljós að slegið hafði ofan í miðstöð skipsins og við það hafði eldvarnakerfi skipsins farið í gang. Óverulegur reykur var kyndiklefa og reyndist ekki nauðsynlegt að reykræsta rýmið.

Óskað var eftir aðstoð slökkvliðs Ísafjarðar um kvöldmatarleitið í gærkveldi. Kviknað hafði í skreytingu á stofuborði, en íbúa hafði tekist að slökkva eldinn. Einhverjar skemmdir urðu vegna reyks og sóts og nauðsynlegt var að reykræsta húsið. Slökkvilið vill ítreka fyrir öllum að ganga vel frá skreytingum og kertaljósum jafnframt að athuga reykskynjara. Ef þessir hlutir hefðu ekki verið í lagi í þessu tilfelli hefði líklega orðið stórt útkall.

Innlent | mbl.is | 13.12.2009

Hætta skapaðist í fjölbýlishúsi við Fjarðarstræti á Ísafirði upp úr klukkan fimm í nótt þegar eldur var lagður að stórri sorptunnu úr plasti sem stendur við húsið. Eldurinn náði að læsa sig í veggklæðningu.

Lögreglan fékk fljótt tilkynningu um eldinn og þremur lögreglumönnum tókst að slökkva eldinn með nokkrum handslökkvitækjum. Eldurinn gaus hins vegar upp aftur og náði að læsa sig í veggklæðningu. Slökkviliðið náði að slökkva eldinn fljótt og örugglega.

Fjórar íbúðir eru í húsinu og voru íbúarnir vaktir til öryggis. Ekki kom þó til þess að rýma þyrfti húsið vegna þess hversu vel gekk að slökkva. Svo vildi til að enginn gluggi er á gafli hússins, yfir sorptunnunni.

Þótt vel hafi tekist með slökkvistarf telur lögreglan að íbúum hafi stafað hætta af íkveikjunni.

Lögreglan á Ísafirði rannsakar málið og biður þá sem séð hafa til mannaferða við húsið upp úr klukkan fimm í nótt að hafa samband í síma  450 3730.