mbl.is | 14.7.2009 | 13:36

Ökumaður var fluttur á slysadeild eftir að hann ók bifreið sinni inn í hlið sjúkrabíls í forgangsakstri á gatnamótum Njarðargötu og Hringbrautar nú skömmu fyrir klukkan hálf tvö í dag. Sjúkrabíllinn valt á hliðina við áreksturinn. Tveir sjúkraflutningamenn voru í honum, en enginn sjúklingur. Þeir virðast að mestu hafa sloppið ómeiddir.


Sjá frétt mbl.is http://mbl.is/mm/frettir/innlent/2009/07/14/ekid_inn_i_hlid_sjukrabils/

Laust fyrir miðnættið á mánudag var óskað eftir því að ferðamaður sem hafði slasast á hendi yrði sóttur í Hlöðuvík á Hornströndum. Sjúkraflutningsmaður frá Ísafirði fór með björgunarbátnum Gunnari Friðriks. ferðin gékk í alla staði vel og var sá slasaði kominn undir læknishendur um klukkan sex í morgun

Í morgun fórum við í heimsókn á leikskólann Eyrarskjól. Heimsóknin var liður í forvarna-verkefni sem hefur verið unnið með leikskólunum í bænum. Við notuðum góða veðrið og sýndum krökkunum bílinn og leikskóla kennarar fengu að spreyta sig á notkunn slökkvitækja og að slökkva í feitis potti. Að lokum var svo farið í bíltúr með krakkana. við þökkum þeim á Eyrarskjóli fyrir samstarfið í vetur....

Við rákumst á hóp útskriftar barna frá leikskólanum Sólborg  þar sem þau voru í Jónsgarði. Í vetur hafa þessi börn verið forvarnar-fulltrúar okkar á leikskólanum og þótti okkur tilvalið að bjóða þeim í smá bíltur, svona til að undirstrika þakklæti okkar. Ekki þurfti miklar fortölur og var auðsótt að fá þau með okkur á rúntinn. Við þökkum börnunum kærlega fyrir gott samstarf í vetur......... 

Í síðustu viku komu nokkrir nemar frá Grunnskóla Ísafjarðar í starfskynningu. Farið var yfir störf slökkviliðs og sjúkraflutningamanna og teknar verklegar æfingar með nemunum. Það vakti athygli okkar að einungis stúlkur komu þetta árið, en svo virðist sem að strákarnir úr árgangnum hafi ekki treyst sér til að kynnast starfi slökkviliðsmanna. Stúlkurnar stóðu sig mjög vel. Við þökkum þeim kærlega fyrir komuna og vonandi eigum við eftir að sjá þær á þessum vettvangi í framtíðinni.

Fyrsta helgarvakt sumarsins byrjar þann 14 júní. Sú breyting hefur orðið að aðeins fjórir menn verða skráðir hverju sinni, þannig að fyrstir koma fyrstir fá. Hvetjum slökkviliðsmenn til að skrá sig.

það hefur viðrað vel á svæðinu undanfarna daga og þó við fögnum hlýindum þá erum við ekki svo kátir með fylgifiska blíðunnar. Flugur í þúsunda-tali herja á okkur og fylla alla glugga slökkvistöðvarinnar. Líkleg skýring er að sjávarþang hefur safnast í sjóvarnargarð sem liggur með slökkvistöðinni. Ef einhver kann gamalt húsráð þá mætti sá hinn sami hafa samband við okkur á slökkvistöðinni.